VOC/ May 27, 2026

NASA က ၂၀၂၈ ခုနှစ်မှာ လူသားတွေကို လပေါ်ပြန်သွားနိုင်အောင် စီစဉ်နေတယ်လို့ ဆိုပါတယ်။ ဒီတစ်ကြိမ်မှာတော့ Apollo ခေတ်လို ခဏတာသွားရောက်တာမဟုတ်ဘဲ အမြဲတမ်း လူနေထိုင်နိုင်တဲ့ လအခြေစိုက်စခန်းတစ်ခု တည်ဆောက်ဖို့ ရည်မှန်းထားတယ်လို့ ပြောပါတယ်။

အခုနှစ် မတ်လအတွင်း ကြေညာခဲ့တဲ့ ဒေါ်လာ ၂၀ ဘီလီယံတန် စီမံကိန်းအတွက် ပထမအဆင့်မှာ ပူးပေါင်းဆောင်ရွက်မယ့် ကုမ္ပဏီတွေနဲ့ တိုးတက်မှုအခြေအနေတွေကို NASA က မေလ ၂၆ ရက်နေ့မှာ ပြုလုပ်တဲ့ သတင်းစာရှင်းလင်းပွဲမှာ ထုတ်ပြန်ခဲ့ပါတယ်။

NASA အုပ်ချုပ်ရေးမှူး Jared Isaacman က “ဒီစီမံကိန်းဟာ အလွန်ခက်ခဲတဲ့ လုပ်ငန်းစဉ်တစ်ခုဖြစ်ပါတယ်။ 1Apollo မစ်ရှင်တွေတုန်းက လပေါ်မှာ အာကာသယာဉ်မှူးတွေ လမ်းလျှောက်လုပ်ဆောင်ခဲ့တဲ့ စုစုပေါင်းအချိန်ဟာ နာရီ ၈၀ ဝန်းကျင်သာ ရှိခဲ့ပြီး၊ အဲဒီအတွေ့အကြုံတွေကလည်း နှစ်ပေါင်း ၅၀ ကျော် ကြာမြင့်နေပြီ"လို့ ပြောဆိုပါတယ်။ပါတယ်။

NASA ရဲ့ ရည်မှန်းချက်က လပေါ်မှာ ရေရှည်နေထိုင်နိုင်တဲ့ အခြေစိုက်စခန်း တည်ဆောက်ပြီး၊ အနာဂတ် အင်္ဂါဂြိုဟ်ခရီးစဉ်တွေအတွက် စမ်းသပ်ရေးစခန်းတစ်ခုအဖြစ် အသုံးပြုနိုင်ဖို့ ဖြစ်ပါတယ်။

ဒီစီမံကိန်းအောင်မြင်နိုင်ဖို့အတွက် နည်းပညာအသစ်တွေ၊ လပေါ်သယ်ယူပို့ဆောင်ရေးစနစ်တွေ၊ နေထိုင်ရေးအဆောက်အအုံတွေနဲ့ စွမ်းအင်ထောက်ပံ့ရေးစနစ်တွေကို ဖွံ့ဖြိုးတိုးတက်အောင် လုပ်ဆောင်သွားမယ်လို့ NASA က ကြေညာခဲ့ပါတယ်။

Source - NASA