အင်္ဂလန်ကို ဂိုးမရှိသရေကစားနိုင်ခဲ့တဲ့ ဂါနာ၊ နည်းပြ ကွဲရော့ဇ်က VAR ကို လှောင်ပြောင်

VOC/ Sports/ June 24, 2026

၂၀၂၆ ကမ္ဘာ့ဖလား Group L ဒုတိယပွဲစဉ်မှာ အင်္ဂလန်အသင်းနဲ့ ဂါနာအသင်းတို့ ၀-၀ ဂိုးမရှိ သရေကျခဲ့ပြီး အင်္ဂလန်အသင်းရဲ့ ချန်ပီယံဆုစိန်ခေါ်နိုင်စွမ်းအပေါ် စိုးရိမ်မှုတွေ ထပ်မံမြင့်တက်လာခဲ့ပါတယ်။

Foxborough မြို့ရှိ Gillette Stadium မှာ ကစားခဲ့တဲ့ပွဲမှာ အင်္ဂလန်က ဘောလုံးပိုင်ဆိုင်မှု ၇၉ ရာခိုင်နှုန်းအထိ အသာစီးရခဲ့ပေမယ့် ဂါနာရဲ့ စနစ်တကျ ခံစစ်ကစားပုံကို မကျော်ဖြတ်နိုင်ခဲ့ပါဘူး။ အင်္ဂလန်ဟာ ပွဲချိန် ၅၇ မိနစ်ရောက်မှ ပထမဆုံး ဂိုးပေါက်တည့်တဲ့ ကန်ချက် ရရှိခဲ့ပြီး အဆုံးပိုင်းမှာ Harry Kane ရဲ့ အခွင့်အရေးတစ်ကြိမ် လွဲချော်ခဲ့တာကြောင့် ဂိုးမရှိသရေနဲ့သာ ကျေနပ်ခဲ့ရပါတယ်။

ပွဲအပြီးမှာ ဂါနာ နည်းပြ Carlos Queiroz က ဂါနာအသင်းအတွက် ပင်နယ်တီပေးသင့်တဲ့ အခြေအနေနဲ့ ဂိုးသမား Jordan Pickford ကို အနီကတ်ပြသသင့်တဲ့ အခြေအနေတွေမှာ VAR က အရေးမယူခဲ့တဲ့အတွက် “VAR က ကော်ဖီသွားသောက်နေလား မသိဘူး” လို့ ဟာသနှောပြီး ပြောကြားခဲ့ပါတယ်။ ထို့ပြင် “အင်္ဂလန်က ကံကောင်းခဲ့တယ်” လို့လည်း ဆိုခဲ့ပါတယ်။

တစ်ဖက်မှာတော့ ဂါနာပရိသတ်တွေကြား Harry Kane ဂိုးမသွင်းနိုင်ခဲ့တာနဲ့ ပတ်သက်ပြီး နာမည်ကြီး ဂါနာဝိဇ္ဇာဆရာ Nana Kwaku Bonsam က “Harry Kane ကို စုန်းပညာသုံးထားတယ်” လို့ မီဒီယာတွေကို ပြောဆိုခဲ့တာဟာလည်း ပွဲအပြီး လူပြောများစရာ ဖြစ်လာခဲ့ပါတယ်။ သို့သော် ယင်းပြောဆိုချက်များမှာ ဟာသနှင့် ယုံကြည်ချက်ဆိုင်ရာ အကြောင်းအရာများသာ ဖြစ်ပြီး အမှန်တကယ် သက်သေပြနိုင်ခြင်း မရှိပါဘူး။

ဒီရလဒ်ကြောင့် အင်္ဂလန်အသင်းဟာ ၄ မှတ်နဲ့ အုပ်စုထိပ်ဆုံးမှာ ဆက်လက်ရပ်တည်နေပြီး ဂါနာအသင်းကလည်း ၄ မှတ်ရရှိထားကာ ဂိုးကွာခြားချက်နဲ့သာ ဒုတိယနေရာမှာ ရှိနေပါတယ်။

Source: ESPN, X