ရက် ၆၀ အပစ်အခတ်ရပ်သက်တမ်းတိုး သဘောတူညီမှုကို ထရမ့်ခွင့်ပြုချက်ရဖို့ နှစ်ဘက်ညှိနှိုင်းရေးမှူးများ စောင့်ဆိုင်း

VOC/ May 29, 2026

အမေရိကန်နဲ့ အီရန် ညှိနှိုင်းရေးမှူးတွေဟာ လက်ရှိအပစ်အခတ်ရပ်စဲရေးကို ရက်ပေါင်း ၆၀ သက်တမ်းတိုးမယ့် သဘောတူညီမှုရရှိခဲ့ကြောင်း အိမ်ဖြူတော်က အတည်ပြုခဲ့ပါတယ်။

ဒီကာလအတွင်းမှာ နှစ်ဖက်စလုံးက အီရန်ရဲ့ နျူကလီးယားအစီအစဉ်နဲ့ပတ်သတ်ပြီး ဆွေးနွေးကြမှာ ဖြစ်ပါတယ်။

ဒါပေမယ့် ဒီသဘောတူညီချက်ကို အမေရိကန်သမ္မတ Donald Trump က ခွင့်ပြုပြီး လက်မှတ်ထိုးဖို့တော့ လိုနေကြောင်း သတင်းရင်းမြစ်တွေက ပြောဆိုပါတယ်။

အိမ်ဖြူတော်မှ အတည်ပြုထားတဲ့ Axios သတင်းမှာ Trump က ဆုံးဖြတ်ချက်မချခင်စဉ်းစားဖို့ ရက်အနည်းငယ်လိုတယ်လို့ ပြောဆိုခဲ့ကြောင်း ဖော်ပြထားပါတယ်။

အမေရိကန်သမ္မတ ထရန့်က အီရန်နိုင်ငံနှင့် ရေရှည်ပဋိပက္ခဖြစ်ပွားခြင်းကြောင့် ဖြစ်ပေါ်လာမည့် နိုင်ငံရေးနောက်ဆက်တွဲအကျိုးဆက်များကို မိမိအနေဖြင့် စိုးရိမ်ပူပန်မှုမရှိကြောင်းနှင့် နိုဝင်ဘာလတွင် ကျင်းပမည့် ရွေးကောက်ပွဲများကြောင့် မိမိအနေဖြင့် သဘောတူညီချက်တစ်ခု မဖြစ်မနေပြုလုပ်ရလိမ့်မည်ဟု အီရန်ခေါင်းဆောင်များ ထင်မြင်နေပါက သူတို့ အကြီးအကျယ်တွက်ချက်မှုမှားယွင်းခြင်းဖြစ်ကြောင်း ဗုဒ္ဓဟူးနေ့တွင် ပြောကြားခဲ့ပါတယ်။

အီရန်ခေါင်းဆောင်ပိုင်းကို ရည်ညွှန်းလျက် ထရန့်က အိမ်ဖြူတော်အစိုးရအဖွဲ့အစည်းအဝေးတစ်ခုတွင် "သူတို့က ကျွန်တော့်ကို အချိန်ဆွဲပြီး စောင့်နိုင်မယ်လို့ ထင်နေကြတာ။ 'သူ့မှာ ရွေးကောက်ပွဲရှိနေတော့ ငါတို့ အချိန်ဆွဲစောင့်ဆိုင်းရုံပဲ' ဆိုပြီး တွေးနေကြတာပေါ့။ ဒါပေမဲ့ ကျွန်တော်ကတော့ ကြားဖြတ်ရွေးကောက်ပွဲတွေကို ဂရုစိုက်မနေဘူး" ဟု ထည့်သွင်းပြောဆိုခဲ့ပါတယ်။

Source - Axios, Whitehouse